Spurt og svarað

Hér finnur þú svör við algengustu spurningunum um Nágranna.

Að komast af stað

Hvernig byrja ég?

Það er sáraeinfalt: 1) Smelltu á 'Stofna aðgang' og skráðu þig inn með Google. 2) Sláðu inn heimilisfang og fjölda íbúða. 3) Búðu til boðshlekk og sendu í Facebook hópinn eða tölvupóstlistann. Þetta tekur innan við 2 mínútur.

Þarf ég að bjóða öllum strax?

Nei, alls ekki. Þú getur byrjað ein(n), sett upp verkefnin og skoðað kerfið. Þegar allt er klárt sendir þú boðshlekkinn. Stjórnin samþykkir svo nýja íbúa, þannig að þið hafið fulla stjórn á aðgangi.

Verð og áskrift

Hvað kostar þjónustan?

Verðlagning er eftir stærð húsfélags: • Lítil húsfélög (2-6 íbúðir): 1.490 kr/mán • Meðal húsfélög (7-15 íbúðir): 2.990 kr/mán • Stór húsfélög (16+ íbúðir): 4.990 kr/mán Ef greitt er fyrir allt árið fyrirfram, færðu 2 mánuði fría (borga fyrir 10).

Er einhver binditími?

Enginn binditími. Þið getið sagt upp áskriftinni hvenær sem er.

Hvernig virka greiðslur?

Húsfélagið fær sendan reikning (kröfu í heimabanka) mánaðarlega. Einfalt og þægilegt fyrir gjaldkera.

Má prófa áður en greitt er?

Já, að sjálfsögðu. Þú getur stofnað aðgang og sett upp allt húsið án kostnaðar. Greiðslur hefjast ekki fyrr en þú ákveður að virkja kerfið formlega.

Öryggi og persónuvernd

Uppfyllir kerfið lög og reglur?

Já. Lögum um fjöleignarhús var breytt 2021 til að heimila rafræna húsfundi og samskipti. Nágrannar.is uppfyllir kröfur um örugga auðkenningu og rekjanleika.

Hver sér gögnin okkar?

Eingöngu skráðir íbúar í ykkar húsfélagi. Enginn annar. Við fylgjum ströngustu öryggiskröfum til að vernda upplýsingarnar ykkar.

Hvað með leigjendur?

Leigjendur eru velkomnir! Eigandi getur veitt leigjanda aðgang til að sjá tilkynningar og þrifaplan. Leigjendur hafa þó ekki atkvæðisrétt um kostnað, nema með umboði frá eiganda.

Virkar þetta í öllum tækjum?

Já. Nágrannar.is er veflausn (PWA) sem virkar í öllum símum, spjaldtölvum og tölvum. Það þarf ekki að sækja sérstakt app í App Store.

Stjórnun og Hlutverk

Hvernig skipti ég um formann?

Núverandi formaður fer í Stillingar > Íbúar & Stjórn, velur nýjan formann og smellir á 'Gera að formanni'. Viðkomandi fær þá beiðni sem þarf að samþykkja.

Hvernig skipa ég gjaldkera?

Stjórnarmenn geta farið í 'Íbúar & Stjórn' og breytt hlutverki stjórnarmanna í 'Gjaldkeri' í gegnum valmyndina.

Hvað gerist þegar ég sel íbúðina?

Nýr eigandi stofnar aðgang og biður um inngöngu. Stjórnin samþykkir hann í rétta íbúð. Saga íbúðarinnar er varðveitt.

Verkfæri og Framkvæmdir

Hvernig virka verkfæraskúrinn?

Húsfélagið getur skráð sameiginleg tæki (sláttuvél, stiga, borvél) í kerfið. Íbúar skrá sig þegar þeir taka tækið að láni og þegar þeir skila því. Þannig vita allir hvar hlutirnir eru og hver er með þá.

Hvers vegna að skrá framkvæmdir?

Það minnkar óánægju verulega að láta vita af hávaða fyrirfram. Í Framkvæmdasjánni geturðu merkt tímabil og hávaðastig, svo nágrannar viti hvenær þeir eiga von á ónæði.

Hvernig set ég verkefni í dagatalið mitt?

Á síðunni 'Þrifaplanið' er hnappur með dagatals-tákni. Smelltu á hann til að afrita hlekk. Opnaðu svo dagbókar-appið þitt (t.d. Google Calendar eða Apple Calendar) og veldu 'Add Subscription Calendar' (eða 'From URL') og límdu hlekkinn þar. Þá birtast þínar vaktir sjálfkrafa í símanum þínum.

Hvar geymi ég málningarkóða?

Í Húsbókinni. Þar er sérstakt svæði fyrir tæknilegar upplýsingar, málningarkóða og viðhaldssögu hússins.

Lögbundnar kröfur (Atkvæðagreiðslur & Fundargerðir)

Hvernig virka atkvæðagreiðslurnar?

Nágrannar uppfyllir lög um fjöleignarhús (nr. 26/1994) með tvöföldu mælikerfi: atkvæði eru talin bæði eftir fjölda íbúða OG eftir eignarhlutfalli (m²). Úrslit byggja alltaf á eignarhlutfalli, ekki einföldum meirihluta. Þetta er krafist samkvæmt lögum og er sjálfvirkt í kerfinu.

Hvað er eignarhlutfall og hvernig er það notað?

Eignarhlutfall (eignarhluti) er hlutfall íbúðarinnar af heildarflatarmáli hússins. Til dæmis: 85m² íbúð í 1000m² húsi = 8.5% eignarhlutfall. Þetta ákvarðar vægi atkvæðis þíns. Aðeins formaður getur breytt eignarhlutföllum til að vernda gögnin.

Hvernig eru fundargerðir skráðar?

Stjórnin (eða ritari) býr til fundargerð eftir hvern fund. Gerðin fylgir dagskránni nákvæmlega - hver dagskrárliður fær sína umræðu og ákvörðun. Þegar gerðin er samþykkt býr kerfið sjálfkrafa til PDF og vistar í Skjöl → Fundargerðir.

Hverjir geta búið til atkvæðagreiðslu?

Aðeins stjórnarmenn geta búið til formlega atkvæðagreiðslu. Farðu á síðuna 'Atkvæðagreiðslur' og smelltu á 'Ný atkvæðagreiðsla'. Þar stillir þú fundarhæfni (quorum) og samþykkismörk (t.d. 67% fyrir 2/3 meirihluta).

Þarf ég að búa til samþykktir?

Já, samkvæmt lögum þarf hvert húsfélag að hafa formlegar samþykktir (húsreglur). Þú getur annað hvort hlaðið upp PDF af núverandi samþykktum í Skjöl → Samþykktir, eða notað sniðmát kerfisins til að búa til nýjar. Kerfið heldur utan um alla breytingar.

Er þetta löglegasta kerfið í boði?

Já! Nágrannar er eina kerfið á Íslandi sem hefur innbyggt: • Tvöfalt talningarkerfi (fjöldi + eignarhlutfall) • Sjálfvirka PDF-gerð af fundargerðum • Útgáfustýringu á samþykktum • Verndun eignarhlutfalla (aðeins formaður) Við höfum samráð við lögfræðinga til að tryggja full samræmi við lög um fjöleignarhús.

Aðstoð

Hvað ef sumir nota ekki snjallsíma?

Kerfið er hannað fyrir alla. Ef einhver notar ekki tölvur getur stjórnarmaður auðveldlega prentað út tilkynningar eða merkt við verkefni fyrir hönd viðkomandi.

Eigum við gögnin ef við hættum?

Já. Þið getið hvenær sem er sótt öll skjöl og fundargerðir á PDF formi. Gögnin eru ykkar eign.

Fannstu ekki svarið?

Sendu okkur póst